2017 جىلدىڭ 1-شىلدەسى جانە 2019 جىلدىڭ 30-قاراشاسى ارالىعىندا مەديسينالىق ساقتاندىرۋ قورىنا 233 ملرد تەڭگەدەن استام قارجى جيناقتالدى، دەپ حابارلايدى «الەۋمەتتىك مەديسينالىق ساقتاندىرۋ قورى» كەاق الماتى قالالىق فيليالى.

«الماتى قالاسى جارنالار مەن اۋدارىمداردىڭ كولەمى جاعىنان رەسپۋبليكا بويىنشا كوش باستاپ تۇر – جيناقتالعان سومانىڭ بەستەن ءبىر بولىگى وڭتۇستىك استانالىقتارعا تيەسىلى. جالپى، ساقتاندىرۋ جۇيەسى ىسكە قوسىلعان 2017 جىلدىڭ 1-شىلدەسىنەن 2019 جىلدىڭ 30-قاراشاسىنا دەيىنگى ارالىقتا الماتى قالاسىنان قورعا 48 ملرد تەڭگەدەن استام جارنا اۋدارىلدى. ونىڭ 45،5 ملرد تەڭگەسى – جۇمىس بەرۋشىلەردىڭ قاراماعىنداعى جۇمىسكەرلەر ءۇشىن جاساعان اۋدارىمدارى. وڭتۇستىك استانا بويىنشا 1 ملن 428 مىڭ ادامنىڭ اتىنا جارنا تۇسكەن»، – دەدى فيليال ديرەكتورى تىلەۋحان ابىلدايەۆ.

سونداي-اق جىل باسىنان بەرى ءوزىن-وزى جۇمىسپەن قامتىعان 5136 ادام 17،6 ملن تەڭگە كولەمىندە ءبىرىڭعاي جيىنتىق تولەم تولەگەن.

ەستەرىڭىزگە سالا كەتسەك، ءبىرىڭعاي جيىنتىق تولەم ەلىمىزدە 2019 جىلدىڭ 1 قاڭتارىنان باستاپ ەنگىزىلگەن بولاتىن. جيىنتىق تولەمنىڭ ىشىندە وزگە الەۋمەتتىك تولەمدەرگە قوسا ساقتاندىرۋ جارناسى دا بار. ول جالپى سومانىڭ 40 پروسەنتىن قۇرايدى.

ءبىرىڭعاي جيىنتىق تولەم – رەسپۋبليكالىق ماڭىزى بار قالالار ءۇشىن 1 ايلىق ەسەپتىك كورسەتكىش (اەك) نەمەسە 2525 تەڭگە، اۋىلدىق جەرلەر ءۇشىن – 0،5 اەك نەمەسە 1263 تەڭگە كولەمىندە بەلگىلەنگەن. تولەمنىڭ بۇل ءتۇرىن جالدامالى جۇمىسشىلاردىڭ قىزمەتىن پايدالانبايتىن، جەكە تۇلعالارعا قىزمەت كورسەتەتىن جەكە تۇلعالار، فريلانسەرلەر، سانتەحنيكتەر، قۇرىلىسشىلار، تاكسي جۇرگىزۋشىلەرى ت.ب. تولەي الادى.